sire cuens



Chanson du XIIIè siècle de Colin Muset (ménestrel né vers 1210) sur la vie des ménestrels.

Pour écouter la chanson :
Téléchargez le texte
Pour écouter la Pavane et la Gaillarde :

Sire cuens, j'ai vielé
Devant vous en vostre ostel,
Si ne m'avez rien doné
Ne mes gages aquité: c'est vilanie!
Foi que doi sainte Marie,
Ainsi ne vous suivrai mie.
M'aumosniere est mal garnie
Et ma bourse mal farsie.



Sire cuens, car comandez
De moi vostre volenté.
Sire, il vous vient à gré,
Un beau don car me donez par courtoisie!
Talent ai, n'en doutez mie,
De raler à ma mesnie.
Quant j'i vois bourse esgarnie,
Ma feme ne me rit mie,



Ainz me dit. "Sire Engelé,
En quel terre avez esté,
Qui n'avez rien conquesté?
Aval la ville.
Vez com vostre male plie!
Ele est bien de vent farsie.
Honis soit qui a envie
D'estre en vostre compagnie!"



Quant je vieng à mon ostel
Et ma feme a regardé
Derrier moi le sac enflé,
Et je qui sui bien paré
De robe grise,
Sachiez qu'ele a tost jus mise
La quenoille sans faintise;
Ele me rit par franchise,
Ses deus bras au col me plie.



Ma feme va destrousser
Ma male sans demorer;
Mon garçon va abuvrer
Mon cheval et conreer;
Ma pucele va tuer
Deus chapons pour deporter

A la janse alie;
Ma fille m'aporte un pigne
En sa main par cortoisie.
Lors sui de mon ostel sire
A moult grant joie sans ire
Plus que nuls ne porroit dire.